البدايه

الله يمسي ويصبح الجمييع على خيير
اول شي كل عاام وانتم بخير بمناسبه رمضان
والله يعيده علينا وعليكم بصحه وعافيه

تبون تعرفون مين احنا؟
احنا 10 بنات .. جمعنا ربي في الكليه وصرنا بالحيل قراب
مرينا بمواقف روووعه .. ضحكنا .. لعبنا .. غامرنا
احلى مافينا .. ان قلوبنا على بعض (( اذكروا الله

وهالبلوق لنا ولكم
لنا نجمع فيه احلى الذكريات
ولكم عشان تقرون مواقفنا المجنوونه والهبال اللي نسويه

والحين بعرفكم علينا وحده وحده
1- باقيرا
2- الساحره
3- المفهيه
4- البريئه
5- الطقاقه
6- العاقله
7- عابره سبيل
8- كتشب
9- المهايطيه
10- الضب

ههههههههههههههه
بقولكم ليه كل وحده عطيناها هاللقب

باقيرا
هالبنت تموووت باللون الاسود .. بلايزها سودا .. تنورتها (حتى واحنا ممنوع علينا نلبس تنوره سودا ) لوونها اسود
واحيانا نسميها - رجاحه العقل - لانها ماشاء الله حكيمه .. وتخطط لبعيد
نعتمد عليها كثير .. خصوصا بالمواقف الخطره
حبوووبه .. قلبها عكس هاللون اللي معلقه عليها خخخخخخخخ
واكيد تعرفون منهو باقيرا
هذا النمر اللي مع ماوكلي ههههههههههههههههههه

الساحره
لانها ماشاء الله .. محبووبه الجميع .. وكانها ساحره البنات عشان يحبونها ويتعلقون فيها
هي صحيح ساحره .. لسانها وعقلها الحكيم هم اللي سحروا الناس لها
مشهووره بمناكيرها الملونه .. مدري ليه اذا حطت مناكير تتغير نفسيتها وتصير رواااااااااق
اذا عصبت ههههههههههههه يقوم الضحك
اول مره اشوف انسان اذا عصب يطلع شكله خطييير
البريئه دايم تنشب لها وتعصبهااا وحنا انواع الضحك ==>>> امحق بريئه خخخخخخخخ

المفهيه
عااااالم ثاااااني
داايم مفهيه وفاصله الخدمه
ياكثر ماتضحكنا من فهاوتها
احلى موقف نسويه فيها لما نقول لها حنا بالمكان الفلاني تجي تدووور تدووور تدووووور وحنا قداااامهاااا .. مانعلمها .. نقعد نطالع فيها ونضحك وهي تدووووووووور وماتشوووفنا من الفهياان الزايد .. لييييييين عاد بالاخير تنتبه وتقول الله ياخذ بليسكم يالشيوووووووون وحنا ضحككك عليها

الطقاقه
معها انوااااااااع الطرب
صوتها يجنننن .. دايم تغني لنا وتوسع صدورنا
واحيانا تجيها حالات وترقص بمحاضرات الشبكه
عليها تأليف اغاني موب صااااحي .. كل موقف له اغنيه هههههههههه
راعيه جووو وفله وحماااس

كتشب
هالبنت تصرعنااااااا بتسالي كتشب
تموووووووووت عليييه
كل ماراحت الكافتيريا شرت من هالتسالي وجابته عند خشومنا
نذله تعرف اننا مانحبه تقوم تجيبه
واحيانا تتهور وتدخله معها المحاضره
الله لايوريكم بسسسسسسسس ههههههههههههههههه
وياليت وقفت عالشيبس .. لما نشتري سندويشات اهم شي عندها تدهنا بكتشب .. حتى لو مافيه مستعده تروح الكافتيريا الثانيه بالحرررر وتجيب كتشب

الضب
ههههههههههههه مزاااااااااااج
كل شي تعافه
وكل شي ماتحبه
طبق الاصل عن الضب بخيسه النفسسسس هههههههههه
اذا كنا نسولف بشي عااادي تعالووو شوفو ملامح الوجه انوااااااع القرف
الشي العادي عندنا بالنسبه لها مقررررف

عابره سبيل

هالبنت مايحلى لها تصير مشاغبه وتسولف وتضحك الا في محاضره العملي

ومعيده هذه الماده ماتقول لها شي ولا تهاوشها

وهي انبسطت عالسالفه وكل ماجات هالمحاضره يقوووم الضحك عند هالبنت والشلله معهااا

طبعا اكيد تبون تعرفون وش الرابط بين الاسم وبين سالفه محاضره العملي

الله يسلمكم معيده العملي هذي عندها ايميل

وايميلها مسميته (عابره سبيل) ههههههه ولان خويتنا الحلوه هذي دايم تضحك بمحاضراتها مشى عليها اسم عابره سبيل زي ايميل هالمعيده خخخخخخخخخخخخ

العاقله

اسم على مسمى

عااااااقله وشغابتها تجي من تحت لتحت

موب علانيه زي باقي البنات

راكده وشاطره ماشاء الله

يعتمدون عليها بنات الشله باشياء كثييييييره

مايستغني عنها ابد

هي اللي تمشي امورنا

تعاملها حلوو مع الباقين ولسانها احلى

==> وهذا سر عقلهااا

شاعره قد هالدنيا .. ماشاء الله

انتظروا اشعارها .. بنحطها بهالبلوق ان شاء الله

البريئه

البراءه تقطر منها..الضب دايما تكشر مخالبها عليها..مثلا..لبسك اليوم مو حلو..شعرك عدليه ..ليه ماحطيتي مكياج..انواع التحطيم ودايما تصدق..
نظرتها تفاؤليه لأقصى درجه..كل شي عندها سهل ومو مشكله ..تعتبر جميع الناس طيبين مثلها ..
فيها نسبه فهاوه بسيطه..بحكم ان لوكرها جنب لوكر المفهيه..>>العدوى انتقلتخخخخ

وسميناها بهالاسم لانها مره ارسلت لنا صورتها وهي صغيره بالجوال ..حطت العنوان البريئه..وبسسسس جابتها..

المهايطيه

اووووه هالبنت ماترتاح وتروح مدرجها الا وهي ممتره الصاله رايحه جايه..تسلم على ذي وتقز ذي..وتفرفر بكل الأقسام وغالبا ماتحضر متأخره بحكم هالعاده
ماتحب تقعد ابددد..مسببه ازمه للشله الكسوله اللي يحبون القعده بمكان بارد هادئ وفيه بلعه..
تحب طلعااات البران و(المهايط)..وهذا هو سبب التسميه..
واذا تبي تونسها قولها واحد من هالشيئين: 1) خلطه شعر او بشره او حتى اكل 2) خبر طاااااااازه من الصاله..
* غالبا ماتفرفر برفقه الضب..ويتم توصيتهم ب10 ايس كريم احمر (روج)>>ضريبه الدجـه..

وبعد ماتعرفتوا عالشله

وعرفتوا القابهم

ان شاء الله بنزودكم بالمواقف والاحداث والسوالف اللي تصير معنا

وان شاء الله تحبونا وتتابعونا دوووم