السلام عليكم ورحمة الله وبركاته

فتحت بوابة الذكرياات العتيقة

يالله من جد الماضي دايم حلوو

وش أقول ياعابرة سبيل ..

لما قلتي تعالو القو نظرة .. جيت وكلي حنين لذيك الايام

والحين تفرقنا لكن قلوبنا الحمدلله ع بعض ونجتمع بين فترة وفترة

اختكم العاقلة بتتزوج بعد 13 يوم من التاريخ هذا

شفتو كيف الاوراق تتقلب وصفحات التاريخ تمشي

بصراااحة خاني التعبير مره كل شوي اكتب وامسح

قاعده اقرا الي كنت اكتبه>>>ياحليلي اثاريني اتفلسف واجد

كنت ناوية اقول كلام كثير بس ماعرفت اركب كلمتين ع بعض

احس اني بالشياء الكبيرة ماعرف اعبر


طاااش احبكم يالشينات :(


دعواتكم لي بالتوفيق
والله لا يفرقنا

مر وقت طويل

الحياه كذا
لابد تتغير والحال يتبدل
والصغير يكبر
والكبير يصغر
> شطحه خخخخخ
,
مر على تخرجنا سنتين والسنه الثالثه تمشي جايه بالطريق
خلال هالسنتين
صارت احداث كثيره لبنات طاش
الضب > اعرست وجابت عزوزي
المهايطيه > اعرست وجابت يارا
البريئه > اعرست
الساحره > اعرست وجابت فجوره
المفهيه > اعرست وجابت ليان
كاتشب > صار عندها همس و ثابت الشياطين ههههه ربي يخليهم لها
العاقله > زواجها قريب ان شاء الله ربي يتمم لها
الطقاقه > انقطعت اخبارها , يارب تكون بخير
باقيرا > نتواصل معها من وقت لثاني
وأنا " عابره سبيل " , مازلت اعبر السبيل
طاحت رجولي وانا اعبر هالسبيل , مدري متى بخلص =P
,
,
طاش
صحيح البعض انقطعت اخباره
والبعض مازالوا على تواصل
بس والله احبكم كلكم
واشتاق لايامنا الحلوه تحت درج ع1
واتمنى تكونون دايم بخير وصحه وعافيه ويتحقق لكم اللي تتمنونه
,
عابره سبيل

وانتهت قصه فصولها 4

طوينا صفحة الكليه

طوينا صفحة الدراسه

طوينا صفحه الدكتورات

طوينا صفحة المحاضرات

طوينا صفحة المذاكره

اربع سنوات عشنا فيها سوى

نتقابل كل صبح

نفطر سوى

نتغدى سوى

صعب بعد هالسنين فرقاكم

صعب صعب صعب

طاش

احبكم احبكم

ماراح انساكم

كل ماقالوا صديقات؟؟

بتذكر دن المهايطيه

ومقلمه العاقله

وطبخ باقيرا

وحنان المفهيه

وخفه ظل الطقاقه

ورومانسية البريئه

ونفسيه الضب

وعقل كاتشب

وتوأمي الساحره

طاش مروا على بيتكم الثاني ,, مدونتكم اللي بتحضنكم بعد الكليه

لاتقاطعونها وخلونا نتجمع فيها

عابره سبيل

بساط الفقر

حياكم الله ببيتنا ومستقرنا ومهجعنا

معليه المكان محوس شوي

عادي عادي تمونوووووووون

ياهلا والله ومرحبا

يابناااات وين القهووه

يلا يالساحره شوفي شغلك وجيبيلنا قهوتس الخطيره ام زعفران

ويالمفهيه لاتنسين الحلى

ارحبوا ارحبوا

هذا سلمكم الله وعلى مدى ايام طويله .. صار فيه معركه حاميه بين بنات طاش وبنات ثانيات على هالمكان

منذو نعومه اظفارنا وحنا نقعد بهالمكان ومحتلين والدينه

فجاه بيوم من الايام

نلقى مكاننا صار فيه بسطه زرقا

!!!!!!!

لاااا وقاعدين عليها بنات!!

خييييييير .. وش هالاحتلال المنقطع النظير؟؟

مابدهاااش .. البسطه بتنشال وسوف يتم استبدالها ببسطه زرقا

خطه التنفيذ

1- استعمال اسلوب الادب في استرجاع الحق لاصحابه

2- عند فشل المخطط الاول نلجأ لخطه (بعيد ونظره

3- عند فشل المخطط الثاني نلجأ لخطه ( قريب ودفه

4- عند فشل المخطط الثالث نلجأ للعنف الكلامي

5- عند فشل المخطط الرابع نلجأ للعنف الفعلي واللي فيها فيهاااااااااااااااا

بسم الله

بدأ افراد طاش بتطبيق الخطه المرسومه

(1)

قام افراد طاش بالالتفاف على البسطه الزرقا واصحابها

والجلوس على اطرافها ووجوانبها

وما على السنتنا سوى جمله

(والله قهر ياخذون مكاننا)

==>> يعني ترانا مؤدبات الحين

تم المزاحمه وترديد هذه المقوله لفتره من اسبوعين الى 3 اسابيع

ولكم لاحياه لمن تنادي

بنااااااات خطه رقم 2

(2)

تم بعون الله وتعاون الطقاقه

احضار بسطه خاصه باعضاء طاش وتمت المنافسه بها

فرشت على بعد متر واحد بيننا وبين ذوات البسطه الزرقاء

واستعمل سلاح النظرات الفتاكه

نظرا لان بعض افراد طاش يتمتعون بميزه الخز الموب صااااااااحي

طبقنا الخطه

ولقينا انهم صاروا يعاندون زياده ويقطون كلمات مال امها داعي

لااااااا الدعوه خربت خلاص

سرينا على خطه 3

(3)

قررنا نقرب الفرشه ونلصقها بحلوووقهم

حطينا فرشتنا جنب فرشتهم بالضبطططط

ولا فوقها بعد ههههههههههه

وجلسنا

صار ظهر المهايطيه على ظهر وحده فيهم

واشتغل الدف

كل وحده تدف بالثاااانيه

لا ومن زين الطبايع

قاعده على بساطنا الاحمر وتقول

لو سمحتي شووووووووووي

قالت لها المهايطيه

خييييير قاعده عندنا وتتكلمين روحي لفرشتك دن

طبقنا هالخطه لمده

بس خلاص تعبنا من هالوضع وركبت بروسنا عنزات واجدات الا ونرجع هالمكان

اطمروووو على 4

(4)

تولت البريئه هذه المهمه في غفله منا وحنا بالاختبار

ماكانت ناويه بس الاختبار الصعب خلاها تعصب وتحط حرتها فيهم ههههههههههههههههه

وتروح البريئه وشياطينها تناقز فوق راسها

وتلقى البساط الازرق واصحابها متواجدين

وتعطيييييييهم من ذاك الكلام اللي يحبه قلبكم

قالت لهم

ترانا سنه رابعه

وانتو توكم جايين سنه اولى وتاخذون المكان كذاااا بوقاحه

احنا من سنتين نقعد على هالمكان والكل عارف

مو على كيفكم تاخذونه بارده مبرده

!!!!!!!!

هنا .. خافوا البنات وقالوا

خلاص لاتعصبين حطوا فرشتكم جنبنا ماراح نقول شي

قالت البريئه

لااااااااااااا حنا مكاننا بالزاويه

حنا اللي نحط فرشتنا وانتوا اللي تحطون حقتكم جنبنا

بس شكل كلام البريئه كان له تأثير وقتي

بعدين تلاشى ورجعنا على نفس المنوال

خلاااص اختموا الموضوع

(5)

هالخطه تلخصت بالعاقله والساحره

والظاهر الساحره سحرت العاقله وطيرت عقلها من قلللللللب

مسكوا البساط الازرق ويركضووووووون فيه لاخر الكليه ويقطونه هههههههههههههههههههههه الله يسعدكم تذكرت اشكالكم

وبكذا انتصرن فتيات طااااش

ورجعوا الحق لاصحابه

واحتفلنا بهالمناسبه

ومايصــــــــــــــــــــــح الا الصحيـــــــــــــــــــــــــح

:D

:D

:D

عابره سبيل

مشروع طاشي

السلام عليكم

بأقولكم هنا عن مشروع سواه طاش المحترم مشرووع قد يعتقد البعض أنه عادي لكنه كان

خياااااالي وله نتائج مبهره
المشروع هو عمل جدول فطور كل يوم على فردين من افراد الشله طبعا بكيفهم
يبون من برا--> وهذا يكون في ايام الامتحانات اذا ماكان فيه وقت للبنت تدخل للمطبخ تسوي لنا شي
ولا اذا
يبون يسوون بالبيت ويجيبون --> وهذا بأوقات الرواق اذا مافيه امتحانات

أسباب العمل بالمشروع :
اولاً : من زين أكل الكفتريا حقتنا خايس وزلع واللي يشتغلون وععع تشوف اشكالهم تنسد نفسك ماتبي تاكل
ثانيا: عشان نتعلم دخلة المطبخ ونصير نسوان سنعات وخصوصا ان فيه افراد مقبلين على الزواج وهم : الضب و المهايطية
ثالثا: أن أفراد الشلة اغلبهم من نحاف إلى المتوسط ولله الحمد مع وجود( 3 نفر ) ذوات اجسام معتدلة ولكن قابلين للسمنة وخايفين على انفسهم

وحققنا ولله الحمد نجاااااااااااح هااااااااااائل فاتكم التنافس الي قب بين الشلة على من ياخذ شهادة شيف طاش كل يوم البنات يبدعون لنا بشي جناااان الي مايتسوى يتسوى واقولكم سر ؟؟ الأكل يكون له لذه مو طبيعية لما يكون الي يسويه يحب ويحمل مشاعر حلوة للي راح يقدمه له وهذا سر النكهة المميزة في أكل كل وحدة فينا (الاخلاص – المحبة – التعاون كلها معاني لها مذاق خاص في اكلاتنا) ---> دعاية ماجي ولا افلام كرتون ابطال الديجتال خخخخخخخخ
الحين تتمنون تشوفون أكلنا ذا وشو؟؟؟؟

سندويشات كودو تعتبر ولا شي بالنسبة لسندويشات باقيرا

يميم هذا غير الكبة والورق عنب ياي طعم خيالي
ولا سلطة بيتزا هت ولا شي عند سلطات المفهية
ولا كباب الضب
ولا...... ولا......... كلو يخويه طعم رايق وشغل نظيف ولا

افخم مطعم مع ديكورات بالصحون ........ الخ


وستستمر المسيرة إلى أن تنتهي السنة بإذن الله وبعدين طاش راح يفتح مطعم طاشي

نسبة لإسم الشلة وستكون الجرسونات هم عمالة وافدة مع بعض افراد طاش باستبعاد المفهية من قائمة الجرسونات

لأنها راح تفهي وتسحب على الزباين وبيطلب الطلب ويخلص وهي باقي تطالع فيه

وبنخسر زباينا الكرام وبالتالي راح يتقفل مصدر رزقنا الي تونا فرحانين فيه ولذلك فالمفهية راح تكون داخل بالمطبخ

أزين وكاتشب على العكس نطلعها من المطبخ لاتهبب وتملي الدنيا كلها كاتشب
اما الساحرة بنبعدها عن الاستقبال عشان ماتتهاوش مع احد لأن فيها شوي غريزة حب الهوشات

والضب بعد بسبب نفسه القشرى خخخخ

وبالنسبة للاستقبال يفضل نحط البريئة لأسلوبها الراقي والمهايطية لأن لها اساليب زحلقة وتملص

تدرون وش يعني؟؟

أي القدرة على تغيير الموضوع والهرب منه بأساليب ريادية
اما المدير العام ارشح عابرة سبيل طال عمرها
والشيف مدير الطباخين راح يكون باقيرا وبكل جدارة
اما انا وش تتوقعون اكون؟؟؟؟؟؟؟؟
سواق توصيل الطلبات خخخخخخخ

كل هذا من نسج خيالي واحسن لي اوقف خيال لأني الحين بديت بمطعم واخاف انتهي بمنتجع سياحي

حبايبي اعضاء طاش
قد لا تتحقق الأحلام لكن من حقنا ان نحلم ونعيش الحلم لنبتسم ولو لدقائق مع اناس احببناهم دوماًاااا

العاقلة

؛)لاتحرمونا طلتكم

دموع الحيارى

تزدحم مشاعري... فتعثر لكلماتي طريقها للخروج ... وتجبرها على الصمت ... تخنقني العبرة ... ويتلعثم لساني ... وها أنا جاهدة أحاول كتابة أسطري ....
لعل كلماتي التي أبت أن تجد لها طريقا لخارج صدري الذي يكبت الاما .. ومشاعر .. وأحاسيس .. ودنيا أخرى .. تخرج عبر مداد قلمي ......
......
لماذا ؟؟..........
...............
أيها المقصود
.........
...........
أنت
...........
...........
يامن اتكلم عنك كشخص يحمل الكثير من المشاعر ... يامن اتكلم عنه كظهر لي وسند ... يامن أقول عنه أنه النبع الذي يلجأ إليه العطشى ...
أي شخص , وأي سند وأي نبع كنت اتحدث عنه....!لم تكن كما رسمتك في داخلي .... لقد كنت أتخيلك ذلك الذي لا يزل ولايخطئ .. كنت أحسبك ملاك من السماء .. كنت أتخيل لك مظاهر الأبهه .. احسب عيناك زمردتان ... وشفتيك الأقحوان ...
وأسنانك اللؤلؤ .... اعتقدتك كائناً لازورديا خيالياً.....يملك رونقا وجدانياً ...... ووشاحا نرجسياً .....
كما كنت ارسمك في طفولتي ولو طلب مني أن ارسمك لرسمتك ولبالغت كثيراً لتعلقي بك........
...................
...................
ثم..............
ثم خابت ظنوني وماأصعب أن تخيب الظنون ...
كسرت مرآتك في داخلي وانشطرت صورتك أمامي وانشطر قلبي معها ..
فقدت ذلك الشخص الذي كان مأمني ... مآلي اذا ضيعتني الأقدار
اتعرف ماحل بي؟؟؟
كظبية كانت ترعى في مرعاها في يوم مشرق ...
ففاجأها المطر , فآلت إلى كهف في الجوار
وأتى ذلك اليوم الذي أطلق الخالق فيه العنان للسماء ولم تكن تعلم ما خبأه القدر لها ... فأمطرت وضربت الصواعق فأتت المسكينة تريد مرادها ومخبأها الذي احست منه الدفء والحنان الذي كان يلامس أطرافها حتى يصل مناط عروقها وقلبها فتنعم بمذاق الطمأنينة ونعاس يدغدغ عيناها البريئة فترقد قريرة العين....
ولكن .... أتت تريده فهذا هو مكانه ......
رأته متحطماً...
رأس مالها وأعز ماتملك
ذهب ...
ذهب ولن يعود ...
أتراها تبحث عن غيره..........! لا......... ستظل تبكيه وتقف على اطلاله حتى يغرقها المطر فيتوقف
وتظل كل يوم تمر بجانبه وفي داخلها الأسى يعصرها لشيء ثمين فقدته وتخبر الآخرين وتقول كان هنا ذلك الملجأ...
.... كان....
كان رائعاً ...........
كان دافئاً ......

كان.......
...............
............
صعب الماض ولكنه ليس بأصعب من المستقبل ... لعل الله يغير مجرى نهر حياتي الى ذلك البستان النضر
تحدرت دمعتاي .. لتسابق كلماتي...
لتقول...
ولرب نازلة يضيق بها الفتى ذرعا
وعند الله منها المخرج
ضاقت فلما استحكمت حلقاتها فرجت
وكان يظنها لاتفرج .............

- تمت –
- العاقلة

دجـه طـاش الأولى..الجزء الثاني..

ياااااااااه من زمان عن البلووق غبرررره..بس خلاص اخر انقطااع ان شاء الله..

معكم الحلقه (2) من دجات طاش:

وصلنـا المطعم وكان انواااااع الاستحلال..خخخخخخخ..كان فيه واحد جاي مع زوجته.. يوم شافوا هجوووم9 قناابل سوود..سحبهـا وحط رجله هو وزوجته..وخلوا المطعم بكبره لنـــــــا

المووهم ..دايركت وكننا عارفين مكاننا رحنا جهه اعياد الميلاد..لصقنا الطاولات خليناها وحده كبيره ..ورحنا نطلب انا والعاقله:

9 ماك تشيكن..!!

الفلبيني يطالع مووب مستووعب!! خييييير 9...وكلهم نفس الطلب..بس ماخليته نشبت له بالباربيكيو صوص!

على مايجي الأكل..ماكان على طاش الا التهــــور من جديد..واستحلال صاله الألعااب..اييييييه بيت الكور للأسف!! خخخخخخخخخخ

طبعا حنا قطيناها كلمه وماصدقت العاقله علىالله..و تطب فيه ونلحقها انا وعابره سبيل والمهايطيه والبريئه..لين حسينا البيت بينشق من تحت,,!!==>وزن زااااااااايد

وتطلع العاقله بحركه افعوانيه للزحليقه..والطقاقه والمفيهيه ورااها..اما باقيرا..ظلت تراقب من بعد..!!


وهااااااات ياللعب تفقعت رووسنا من هالكور ..والله تعور مدري شلون يلعبون فيها البزران..:)

تخيلتوا بيت الكور الصغير 9 بنات وبعبااااايااات يلعبون فيه ..اللي رجلها انعوجت واللي يدها التويت واللي جاها شد عضلي برقبتها..عااااادي عااااااااادي في سبيل اللعب..

ولا أشكال الهنود اللي برا قاعدين يقزون ..ماعرفوا يشتغلون من هوول المصيبه!


جـا الأكل..ويقووم الزززط..وتطلع العادات الغذائيه بالظهور..اللي تخلط مايونيز بكتشب..واللي باربيكيو ومايونيز ..واللي بيبسي ومايونيز=>>احلفي؛)

لما خلصنا أكل..عابره سبيل والمفهيه طيحوا على البلاي ستيشن هناك..والطقاقه تلعب كم شوط..مع اننا مانفكر نلعب بلاي ستيشن في البيت بس طلع له طعم لما لعبنا سوا..!


لما خلصنا أكل..طرا ببالي اني مالعبت الزحليقه الطويله..واقول للمهايطيه وطلعت مالعبتها هي والبريئه..قلنا يلااا بس الفرصه ماراح تتكرر..ونرجع لها..

وأجي اتزحلق..وبقدره قادر..مع العبايه الملفووووفه..طلعت من الزحليقه من راسي..

ويقوم الضححححححححك...كأني شرنقـه..ولا كأني جنين طلع من بطن أمــــــه..(كوفله

بزر)..يرقه..خخخخخخخخخخخخخخخخخخخخخخخخخ مابقوا شي ماقالوووه الشيوون..
الضب علقت على شكلي اسبوعيييين بالمووت نست..ولا سجلته بدفتر طاش بعد

بصراحـه اليووم وكـان يجنن على قوله المهايطيه رجعنا 15 سنه ورا =>حاسبتها صح..

نط عرق الطفووووووله يازينه..وصرنـا كل وحده تشوف لوحه ماك تتذكر هذي الطلعه.

!!.وهي مو مصدقه انها لعبت ببيت الكور!!!

طاااااااش ..الله لا يحرمني منكم..

أحبــــــكــم

الساحـره